ILINNIARTUUTEQARNERMUT SULINIUT
ATAATSIMUT ISIGALUGU
Isumaqarpugut pingaartuusoq sulisunik pikkorissunik ineriartortitsinissaq, sakkutooqarfimmi suliat attatiinnassapata, taamaasilluta siunissami piumasaqaatit anguniassagatsigit. Aalajangersimasumik ilinniartuuteqarnermut suliuniutip neqeroorutigaa misilittagalimmit aqqutissiuineq, ilinniarneq, sulinermik misilittagaqalernernik naggataatigullu Pituffimmi sulisunngorsinnaanermik.
Sullissiviit Majoriaq, Inuussutissarsiutitigut Ilinniarfiit Kalaallillu Nunaanni Ilisimatusarfik qanimut suleqatigaagut, ilinniartut teknikkitigut toqqammavii pisuunngorsarniarlugit, sungiusaammik suliffissanut - suliffissanullu aqqutissiornerini. Suliniuterput assigiinngisitaartoq STEM-mi ilinniarnerit (science, technology, engineering, mathematics) amerlanerusunik ilinniartuuteqalersitsivoq. Tulluusimaarutigaarput ilinniartut 50%-ii arnaammata. Suliniummi inuttut ineriartornermut pikkorissartinneqartarput teknikkitigut ilisimasaat annertusitinniarlugit, sullivimmilu avatangiisinik sungiussiniarnermi oqilisitsisarluni, ilaatigut illoqarfik angerlasimaffigisamit ungasissorujussuarmiit ilinniartuutigisaratsigit.
Inussuup ilinniartuuteqarnini pilersereerpaa ingerlaqqinnermilu ineriartorumaarluni BMC-suliniutip atuuffiani, taamaasilluni aningaasatigut nunap immikkoortuani ineriartornermut periarfissiiumaarluni.
ILINNIARTUUFFISSAT
Narsami inuussutissalerinermik ilinniarfik INUILI:
Igasutut, Hotel Arctic A/S Ilulissaniittoq avitseqatigalugu
Gastronomassistenti
KTI/Nuummi Savinilerinermik ilinniarfik:
Lageroperatør (atuagarsornertaa Danmarkimi ingerlassooq KTI suleqatigalugu)
Assartugalerisoq trin 1 (quersualerineq)
Assartugalerisoq trin 1 aamma 2, mittarfimmi
Elektronikfagtekniker (atuagarsornertaa Danmarkimi ingerlassooq KTI suleqatigalugu)
Biililerisutut
Nunalerutinik iluarsaasartutut (atuagarsornertaa Danmarkimi ingerlassooq KTI suleqatigalugu)
Motorilerisoq umiarsuarmi
Sisimiuni Aatsitassalerinermik ilinniarfik:
Sanaartornermi maskinanik ingerlatsisoq
Niuernermik Ilinniarfik: Qaqortumi Campus Kujalleq/Nuummi Niuernermik Ilinniarfik:
Allaffimmiutut (allaffissorneq immikkut sammillugu)
Serviceøkonom (takornariaqarnermi) (Qaqortoq)
Nuummi Ilisimatusarfik:
Oqaluttaanerup nutserinerullu iluani ilinniarneq (bachelor)
KTI Sisimiut / Danmarkimi:
Maskinmesteri (atuagarsorneq Sisimiuni aallarteriarluni Danmarkimi nanginneqartarpoq)
Teknikkikkut ilusilersuisartoq (atuaqarsornerit Danmarkimi Majoriaq Nuuk suleqatigalugu ingerlasarpoq)
KTI/Sanaartornermik ilinniarfik:
Ruujorilerisutut
Qalipaasutut/Amiisutut
ILINNIARTUUFFISSAT INUTTASSARSIUUNNEQARTUT
ILINNIARTUNIK ILISARITITSINEQ
SIMIGAQ PETERSEN
Simigaq Petersen inuit 646-t ilagalugit Qaanaamik taaneqartartumeersuuvoq, nunarsuarmi avannarpasinnerpaat ilaanni angerlarsimaffeqarpoq. Ukiup qanoq ilinera apeqqutaalluni, 24 tiimit seqinnertarpoq imaluunniit 24 tiimit taartuinnaasarluni, ilisimasassarsiortup taguusersimavaa ”Ultima Thule”, qasungasumik latinerisut nutserlugu ”ungasissumiit ungasinnerpaaq”. Simigaq, 23-nik ukioqartoq, Inussuup ilinniartuuteqarnermut suliniutaanut allatsinnikuuvoq Niuernermik Ilinniarfiimi Qaqortumi atuagarsortarluni. Ilinniartoq naatsorsuuserinermut, saaffiginnittarfimmiinermi angalatitsinernillu pikkorissartarpoq. Ilinniarnini naammasissavaa 2026-mi.
BENJAMIN IRVING
Benjamin Irving siullerpaalluni Sisimiuni, Kalaallit Nunaata maskinmesterisut ilinniarfianiit praktikkerpoq. Pituffimmi periarfissaqarsimavoq misilittakkaminik misileraanissaminik, immikkortortaqarfiit arlallit aqqusaarlugit, taassuma ataani nukissiorfik aammalu innaallagiamut maskinalerinermullu immikkoortortaqarfiit.
Issittorsuarmi ungaseqisumi piginnaasai unammillerneqarput immikkortortaqarfinnik suliffeqarfimmillu tamakkiisumik suleriarnissamut paasisaqartillugu.
ANNA-AVIAQ HENSON POULSEN
Anna-Aviaq Henson Poulsen 32-inik ukiulik serviceøkonom Campus Kujallermi kalaallit nunaata kujataani ilinniarpoq. Anna-Aviaq Qaanaami inunngorpoq Qaqortumilu peroriartorluni. Maannakkut nuannisarluni Sammisassaqartitsivimmi timersortarfimmilu praktikkerpoq suleqatini suleqatigalugit.
Ilinniarnissannut soqutiginnippit misilittakkatillu ilarusuppigit? Isumaliutigaajuk ilinniartuuteqarnitsinnut peqataassallutit. Attavigitigut qanoq ilinniartunngornissamut paasissutissanik piniarlutit.