PERIARFISSANIK PILERSITSIVUGUT
KIKKUUVUGUT?
Inussuk kalaallit suliffeqarfiutigivaat Nuummi qullersaqarfeqartoq. Permagreen Grønland aamma Vectrus Services akornanni suleqatigiinneq aqqutigalugu pilersinneqarnikuuvoq, suliffeqarfiullu periusissiorluarnikkut sakkutooqarfimmik ingerlatsinissamut pitsaasumik inissisimavoq aamma Kalaallit Nunaata aningaasarsiornissaanut periarfissanik pitsaasunik sunniuteqartussamik. Pisussaaffigaarput aamma inuiaqatigiit pitsaanerusumik atugaqalernissaat sulissutigissallugu sulisutta ineriartornissaannut suliniutitigut, aningaasaliinermi allannguinermi aammalu piorsarsimassutsikkut paarlaateqatigiinnikkut.
SULERIVUGUT?
Inussuk Nuummi qullersaqarfeqarnerisigut annertuunik pilersuivoq inuunerissaanissamut, assartuinernut, nakorsaqarneq inissianillu sullissinernik illersornissamut sulialinnut, timmisartortartunut, sakkuttuunut, umiartortunut aammalu ilisimatusartunut, taamaasillutik sullitat isumannaatsumik naammassisaqartarniassammata. Annertuumik sakkutooqarfimmi sulianut tapersersuinikkut tulluusimaarutigaarput sullisissallugit nunap immikkortuani illersornissamut suliaqartut USA-p peqatigisaasalu sullinnerisigut.
Inussuup suliniut ”Greenland First” (Kalaallit Nunaat siulliullugu) ukkatarivaa, nunaqarfinni sakkutooqarfimmut eqqaamiuusuni najugalinnut sullissisarnikkut, piorsarsimasutsikkut avitseqateqartarnikkut aammalu periarfissarpassuit atorlugit piginnaasanik ineriartortitsinikkut. Suliniutip tamanna pingaarnertut kalaallit teknikkikkut ineriartortinnerisigut pissaaq, suliffeqarfiup peqatigiiffinnut attuumassuteqarnerisigut, sulisussarsiornikkut, niuernikkut peqateqarnikkut, ilinniarnikkut aammalu sulisitsinikkut. Pitsaaqutit tassaassapput kalaallit nunaani suleqateqarnikkut kalaallit suliffeqarfiutaanik pilersuisoqarnermi kiffartuussinikkut aammalu atortussanik pilersuutinillu pilersorneqarnikkut.
PEQATIGISAGUT
Permagreen Grønland aamma Vectrus Services akornanni suleqatigiinneq pilersaarusiorluagaasoq aallaavigalugu Inussuk pilersinneqarpoq, tassanilu siunertarineqarluni kalaallit sullilluarnerunissaat aammalu maannakkut siunissamilu inuiaqatigiinni sulisoqarnikkullu pisariaqartitat pingaartitaralugit. Permagreen Grønland aammalu Vectrus Services sivisuumik kalaallit nunaani peqataassimapput paasisimasaqarfigilluarlugit iluarsartuussanik suliaqarnermi aqutsinermi, sanaartornermi, sanaartugassanik ingerlatsinermi aammalu aserfallatsaaliinermi, kiisalu logistikkikkut pilersuinikkullu peqataasitsinikkut, tamakkulu tamarmik Kalaallit Nunaata aningaasaqarnikkut ineriartorneranut pisariaqartuupput.
